اخيرا اتحدتم يا عرب

انا الصراحه دايما كل ما اكتب موضوع مش باعرف ابتدى ازاى ولا ابتدى منين وبالذات الموضوع ده لانى حاسس انى لسه باحلم مش مصدق الخبر مع انى كان نفسى فيه وكان نفسى يتحقق ده مش انا لوحدى دى مصر كلها بس هو اتحقق واتحقق بجداره وعزيمه وتصميم واراده بس الحمدلله انى فوقت فى اخر لحظه وصدقت انه حقيقه وان احنا خدنا الكاس الكاس اللى شكينا انه يرجعلنا وان احنا ممكن نرجع بيه ونكرر الانجاز الفريق المصرى حطم كل المقاييس وفاق كل التوقعات وكان كل مطش بنقول اللى جى هنخسر ولما نكسبه نقول اللى بعده كده كده هنخسر لحد ما جى اخر مطش كلنا حاطين خسارتنا فى قلبنا بس عندنا امل انه ممكن يتحقق وفعلا كان الانجاز وكان النصر واخيرا اتحطمت المقوله الشهيره (اخر الرجاله كانوا فى 73) احنا يا جماعه مكسبناش ولا فزنا احنا انتصرنا وان شاء الله يكمل النصر

لحد دلوقتى ايه اللى دخل ده فى الموضوع انا اقولكم اكيد كلنا تابعنا التشجيع للمصريين فى غانا دى ما كنتش مصر بس ده كان دول عربيه كتيره منها اللى موجوده اصلا فى غانا ومنها اللى جى مخصوص عشان يشجع لا والاجمل المكافات اللى جت للاعبين بعد الانتصار الرائع انا ماليش دعوه هى قد ايه اللى فرحنى هى منين ولا الاحتفالات اللى كانت من الدول العربيه بعد المطش سواء فى فلسطين او فى دبى او فى الكويت او فى السودان (ما عدا ليبيا وقطر ) المهم شوفوا العرب لما عملوا حاجه العالم كله شافها ازاى شوفتوا لما اتحدنا وشجعنا العالم كله اكلم علينا ازاى بس دايما بسال نفسى اشمعنا فى الكوره ؟؟اشمعنا فى الرياضه ؟؟؟

ساعات كده كنت بقول لنفسى يا سلام لو كانت الحرب بين امريكا والعراق او بين فلسطين واسرائيل مطش كوره يا ترى كان هيبقى حالنا ايه ولا كان العرب هيكسبوا كام انا مش عايز اخبط فى الحيط بس احب اقولكم وافكركم ان اللى انتصر فى 73 هى مصر واللى فرحتنا بانتصارها هى مصر دايما مصر مفرحه العرب كلهم ودايما خيرها على الع.... قصدى علينا كلنا يا جماعه اعرفوا قيمه مصر ورجاله مصر ....واسيبكم بقى تكملوا فرحتكم وان شاء الله يارب كده على طول فى انتصارات

انا مصرى يا جدعااااااااااااااااااااااان

بسم الله الرحمن الرحيم

انا سهيل او بلاش كده انا مصرى ابن المصرى اللى اتولد من مصرى قصدى مصريه المهم مش فى كده المهم ان انا جوايا حاجات كتير قوى عايز اعبر عنها عايز اطلعها عايز اوصفها بس مش عارف لمين وازاى؟؟؟ انا عايز اقول قصدى عايز اعبر قصدى مممممم مش عارف بس انا هاقول وخلاص وزى ما تيجى

انا عايز اقول ان انا مش بنام الليل ( هو بنام بس لزوم الكلام ) و لا عينى تشوف النور وانا حاسس انى مديون طبعا هو كلام غريب بس هو ده اللى انا حاسه بس اعمل ايه عشقى ليها حبى ليها انتمائى ليها هو اللى عمل فيه كده يمكن ناس كتيره شايفاها دلوقتى وحشه بس غلطانين مش عارفين مش حاسين ...ان هى فعلا مظلومه يا جماعه انا مش بدافع عنها انا اصلا مش محتاج ادافع عنها ده العالم كله بيسمع اسمها يفتكر امجادها العالم كله يسمع اسمها يفتكر احفادها العالم كله يسمع اسمها يقول دى جنه اقول ايه ولا ايه ده كلامى عنها مش هيوفيها حقها ولا هاسسد دينها اللى عليا مش انا بس ده كلكوا ايوه كلكوا مش مصدقين مش عارفين مش فاكرين الارض اللى انت ماشى عليها البيت اللى انت عايش فيه الشمس اللى بتطلع كل يوم تدفيك فى الشتا المدرسه اللى روحتها وانت صغير ولما كبرت برضه فى الجامعه حضرتك الاكل اللى بتاكلوا الشرب اللى بتشربوا السما والنجوم وحضارتها ومجدها مش كلنا برضه كبرنا عليها وكل يوم بنمشى فيها وهى واسعه وحضنها واااااااااااااسع قوى يسعنا كلنا انا عارف انى رخمت بس والله يا جماعه ده اللى قلبى ليها صدقونى يا جماعه مصر هى مصر بحلوها وبمرها هى مصر نستحملها لو جارت علينا مش مشكله اهى برضه فى يوم من الايام فتحت لينا حضنها

يا جماعه ردوا جميلها عليكوا مع انها مش محتاجه دى العالم كله فى جمايلها لو ردوها ما يوفيها حقها كفايه كده انا خلاص عرفت انا هاعمل ايه دى مصر اغلى حاجه شوف انت قد ايه ؟؟؟ المهم انا نسيت اعرفكم بنفسى ان سهيل سعيد رابعه صيدله الازهر وساكن فى القاهره فى احدى احياء ال.... او صح يا جماعه انا عايش وساكن فى مصر المحروسه اللى جامعانا كلنا